Ontop Liverpool mixed fortunes this season, many fans been dun dey speculate as to which players fit be remedy to the Reds’ ailing midfield.
And as former Liverpool midfielder Dietmar Hamann yarn, the perfect solution for the Reds midfield woes na say make dem move to the club bitterest of rivals for summer to search for am.
Moving from Premier League champions Chelsea to Europa League winners Manchester United, Serbian midfielder Nemanja Matic fit dun be the ideal candidate to become Liverpool midfield enforcer – as Hamann take yarn, anyway.
Ontop the German commentary on Twitter ontop say Liverpool need holding midfielder to come in along side Naby Keita to balance the side, one fan con ask am if Matic fit dun be ‘good’ signing for Liverpool – Hamann response no bend at all, na straightforward.
“Not good, but perfect” na the simple response from the midfield man, as e make hin thoughts on the 29-year-old Serbian and the current situation for Liverpool perfectly clear.
Of course, Liverpool no dey short of in-house options to come in so as to reinforce the midfield, as Matic compatriot Marko Grujic dey yet to be given hin chance for the Reds. As mata take be, e dey clear say fans and pundits alike believe say Liverpool need ready-made solution to dem lack of stability for midfield.
To Hamann, Matic perfectly represent the ideal signing for Liverpool midfield, as the Serbia international be before before ever-present force for Chelsea title winning campaign last year. And since hin move to Manchester United, Matic dun play major role for the Red Devils’ defensively sound performances.
With the January transfer window dey fast approaching, many Liverpool fans go dey eager to see some fresh faces coming in the door for Anfield con dey hope say Jurgen Klopp no make the kyn mistake as last year as hin fail to enlist any new recruits throughout the month of January.