Henrikh Mkhitaryan Manchester United career dun chuck one leg enta under threat after hin huge row with Jose Mourinho for one video analysis session.
Sources wey close to the club fun yarn ESPN say the playmaker disappearing act for the past few weeks na cos of one kyn massive fall out with Mourinho after the pair exchange verbal blows for United Carrington training complex.
Mkhitaryan never enta any selection list to feature for seven of the Red Devils’ last eight matches, and hin con dey fight to save hin 18-month spell for Manchester as result.
Mourinho sef admit to Sky Sports say him fit be pressed into some transfer business during the winter window – a surefire sign wey fit make am to dey consider to sell the forward commot
Hin yarn: “For the right price, na my approach be that as manager in case the club advise. Every player get him own price.”
Mkhitaryan con vex on top everything on top say Mourinho lambast hin contribution after the clash with Brighton on 25th November as the Portuguese boss single am out during the post-match analysis video team meeting.
Mourinho con accuse the former Borussia Dortmund star say hin dey do like otun against the Seagulls and say hin make mistake wey fit dun lead to goal.
The Armenia international dey believed to dun speak back to the ex-Chelsea and Real Madrid boss – a back and forth wey con turn into heated argument wey spilled commot for room enter corridors of Carrington.
Mkhitaryan dun since been dropped by Mourinho for hin ill-discipline and question marks remain as to whether hin go force hin way back into the picture for Old Trafford.
That spat no be the first time wey Mourinho go come out con criticize the 28-year-old performance levels – the United manager dun also do the same thing after the 1-0 defeat to Premier League champions Chelsea for Stamford Bridge when November wan start.
Mourinho drop am for the following game before hin give Mkhitaryan a stay of execution as sub for Brighton contest but their relationship dun show say e dun pass the one wey dem fit repair.
Mkhitaryan dun knack ground dey run at the start of this term with two goals and six assists ontop hin first eight appearances, but never score or assist since.