Three Types of Manchester United fans dey this World: Where you Belong?

wbamanu1712n

As this season dey go and the Premier League title dey runaway from us, we don observe say Three types of Manchester United fans dey this world.

  1. The Ones wey dey complain about everything: Some people go just tire you with the way dem dey complain ehn. ‘Why Jose no put Mkhitaryan? Why e no use Zlatan? Why e dey defend? Why Luke Shaw no dey pitch? If say Sir Alex Ferguson dey, This kind thing no go happen.’ Wee You keep shut my friend. We fit understand when person dey complain immediately after defeat but anybody wey complain weeks after defeat get serious problem. The ones wey dey vess me pass, na the ones wey dey pray make United lose, so the Board fit sack Mourinho. How you go dey support club and you go dey pray make dem lose?. If Mourinho commot now, who go replace am? Shey na Pochettino wey dey set yansh like ashawo for all the big teams for League this season?. Sometimes, if i dey around some of them, i go dey pray make i no vess, use foam block their mouth.
  2. The ones wey dey support United, But we dey yab dem sometimes: These ones go hail United if dem win, dem fit lock up if na draw (against Big Team), but dem go para if United lose. These ones, their venting dey end when dem wan sleep. Once dem don sleep wake up, the defeat no go pain dem again. But during the Venting period, dem dey go ham sote dem dey ready to yab any United player wey mess up during the loss.
  3. The ones wey dey support United at all Times: These ones believe say na dem be the True United fans. If United like, make dem win/draw/lose, dese ones go still support them. The only thing wey pain me about these ones na say, dem no dey allow make person vent immediately after defeat. Small vent, and dem go dey talk say you no be Real Man United fan. And the funniest part na say some of them no even get United jersey. If you no wan vent, no vent but wetin consign you if another person dey vent because defeat dey pain am?.

Na the three types of United fans dey this world. Where you belong?

MUIP SALE HOME JERSEY REPLICA

Advertisements

One thought on “Three Types of Manchester United fans dey this World: Where you Belong?

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s