Jose Mourinho’s press conference: Romelu Lukaku dey bleed Red, I no fit bench am


Manchester United manager Jose Mourinho don defend hin striker Romelu Lukaku during the press conference wey e run today, as don admit say e no bench am even though the 24-year-old need rest as e don play 20 straight matches for Premier League.

“E need rest small. But the guy dey ball jare, e dey try for me and hin teammates,” na wetin Mourinho yarn. “E dey give everything. I no fit bench am.”

“Now e don play 20 matches straight for Premier League. I dey reason say e dey try, e no easy. The guy dey ball and e dey epp the team. E dey pour hin heart out ontop pitch. I no fit yab am.”

MORE: Manchester United wan raid Juventus for Paulo Dybala – Dem don table €68 million

The United boss don also yarn say e go try out Zlatan Ibrahimovic and Romelu Lukaku again this season. Everybody sabi say the decision bin backfire against Burnley but Jose talk say e go try am out when dem two dey on mad form.

“We bin try Lukaku and Ibrahimovic against Burnley and we go do am again for some other matches if we need am. But i dey reason say if dem go dey play together, dem two gats dey top form.”

The Reds manager don also criticize hin attackers for their lack of form as e believe say dem suppose dey score some of the chances dem dey miss.

“I bin reason say we play well against Leicester and Burnley”, na wetin Jose Mourinho yarn. “But we no manage score enough, we bin see many chances. dem punish us because we no use our chances well.”



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s