Bournemouth don burn Arsenal mouth

Oboy no be small o, Arsenal don decide to entertain us today as dem lose to Bournemouth wey dey struggle with relegation.

Everybody know say Sanchez and Ozil wan comot for Arsenal because of sey dem don tire of the nonsense the club dey play. Both of dem no gree renew contract and we dey hear say small time, Sanchez fit wakka jazz in Manchester United.

Oya make we go back to the mouth burning, as e dey hot. Before the game start, some Arsenal fans say dem wan see how their team go perform without Ozil and Sanchez, well dem don see am na, dem be like like Ifeanyi Ubah FC without Sanchez and Ozil.

Aunty Bellerin first score, their  fanbase just dey shout anyhow because dem feel say dem go win the match, some of them say dem no even need Sanchez again sef.

Play play play, Wilson come equalize for Bournemouth and everybody for twitter com run mental; some dey laugh, some dey wail, some dey cry. Arsenal fans start to yab all their players o, starting from Papa mumu Welbeck to Cech wey don wash finish.

Omo e com be like blue film when Ibechukwu come score again for Bournemouth to put more fire for Arsenal mouth. Immediatly Immediately, #WengerOut start to trend again. some Arsenal fans don tire, some don join Man City sef, some don lose hope, some wan stop to watch match. All of us wey dey MUIP stand with Arsenal inside this kata kata time, God be with them.

Follow my twitter joor @Clintonspel 

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s