Manchester United boss Jose Mourinho don provide update ontop the transfer matter wey consign Alexis Sanchez and Henrikh Mkhitaryan.
The Reds manager don admit say United dey in for Sanchez but e also confirm say the deal no be 100% complete so as everything take be, Sanchez na still Arsenal player.
“I dey reason say everybody know say we don almost buy Sanchez, even Wenger don talk am so i no fit hide am again,” na wetin Jose yarn.
“Right now, no be done deal so Mkhitaryan na United player and Sanchez be Arsenal player. We get match 2moro, so i wan fashi transfer matter, now na 3 points dey my head.”