Five Things wey we observe as Manchester United knack Yeovil Town 4-0

 

dugf0giwkaano5aNa sweet night for Manchester United fans as the Red Devils knack Yeovil 4-0 sote dem wan shit for pant. Another sweet thing na say Alexis Sanchez bin play hin first United game after hin move from Arsenal. The people wey score for the Reds na Marcus Rashford, Ander Herrera, Jesse Lingard and Romelu Lukaku. Now wey Jose Mourinho’s men don advance to the next round for FA Cup, dem fit focus on the next Premier League clash wey go happen against Tottenham on 31st January.

My People, If you wan participate for our N1,000 Predict and Win promo, click here: We dey give out N1,000 credit to the first person wey predict the scoreline between Manchester United and Tottenham ontop our twitter handle @ManUtdinPidgin, so if you never predict yet, time still dey. The deadeline na on 9pm Wednesday 31st January. 

Ehen, we wan talk about the five things wey we observe as Manchester United demolish Yeovil Town.

The first thing wey we observe na say Alexis Sanchez na beast. Na him wey dictate the game when e dey ontop pitch. Upon say e dey rusty, e still show quality and na how e take get assist for Herrera. Na him wey epp for Marcus Rashford’s goal (but no be assist). But e bin show say e dey rusty as e bin dash Yeovil ball sometimes. But with the little wey i don see so far, Man United go enjoy am when e balance well.

Another thing wey we observe na say Yeovil Town bin play for first-half as dem worry United defence wella. But their team con fall apart for second half as na when United score three goals. For first half, fear bin catch me small because dem do initial gra gra. I bin think say the first half go end 0-0 before Rashford burst their yansh self. We sha thank God say 4-0 tablet don return.

dugf0ghwkaqe9ks

Another thing wey we observe na say, the players wey enter from bench bin wan prove point to Jose Mourinho. As Sanchez don show, some of our attackers bin know say their position fit dey at stake. So as Jesse Lingard enter, e score mad solo goal to fight for shirt. Lukaku know say e get starting shirt for Jose side, but e still tear net. Lastly, Angel Gomes bin almost score and e bin dey sharp for the three minutes plus wey e play. We dey pray make Jose give am more minutes in FA Cup.

Another thing wey we observe na say Ander Herrera, Scott McTominay and Michael Carrick bin struggle to handle midfield for first half. Yeovil bin dey follow us drag. E be like say Jose Mourinho bin warn dem at half-time, because dey bin play better for second half. Especially Carrick, e try o. I gats hail am as e control game for second half.

The last thing wey we observe na say Matteo Darmian gats improve if e wan remain Manchester United player. Attack-wise, this guy na complete dundi. E remain small e for do assist for Mata but na offside, apart from that, most of hin pull-out no dey reach anybody. If Valencia na iphone, Darmian na tissue paper. I go even rate Fosu-Mensah over Darmian.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s