Manchester United executive oga Ed Woodward don yarn say the club bin make big money ontop the Alexis Sanchez Transfer wey happen in January.
As God bin answer Sanchez’s prayers, as e upgrade am from Arsenal to Manchester United, the kind huge shirt sales wey the Reds make ontop am ehn. No be for here.
“When we sign Sanchez, we shut down social media. Even the buzz wey Neymar get when e sign for PSG no reach this one at all,” na wetin Woodward yarn. “We don even set new record for shirt sales in January. The shirts wey we sell na like times three of the best record wey dey before hin own break am.”