Players’ report Card ontop Sevilla vs Manchester United: De Gea dey shine, Mata mess up


As Manchester United bin play 0-0 against Sevilla for the first leg of their Champions League tie, we don release report card ontop how our players take perform. The Red Devils fit still qualify if dem knack Sevilla for Old Trafford in second leg. Meanwhile, enjoy am:

David de Gea

Him na my Man of the Match. If no be for am, United for lose against Sevilla. The best save wey e make na the one wey e make before half-time, when e deny Luis Muriel goal. I go rate am 10/10.

Antonio Valencia (One Way)

E no too epp for attack and hin wing bin leak small. E bin use hin strong body to epp us for defence sometimes. E no impress me but i no go blame am as him and Mata no dey gel like that. I go rate am 4/10.

General Small O (Smalling)

The guy try. E bin make some mad tackles wey deny Sevilla goal scoring chance and e also save us with hin head, as e dey head most of their crosses out. I go rate am 6/10.

Victor Lindelof

E bin try small but the koko na say dem bin send am go message plenty times, especially for second half. Na God save am say Sevilla no score, else Mourinho for give am permanent bench with seatbelt. Hin body go just dey shake. Wetin hin dey fear??.. I go rate am 4/10.

Ashley Young

E try pass Valencia for the game. E epp for attack and e also epp for defence. E try pass Sanchez self attack-wise for the left-wing. I go rate am 6/10

MORE: Five Things wey we observe as Manchester United draw 0-0 against Sevilla: De Gea na Winsh

Nemanja Matic (Mathematic)

E try as e bin epp our defence but e bin dey useless attack-wise. Some of hin passes bin go astray. E get one sweet through ball wey e give Sanchez but the guy spoil am. I go rate am 5/10

Scott McTominay (Tom Tom)

E try for the game. Hin performance no be stand out like that, but e do hin job well. E bin break up plays, epp for attack small and e also test Sevilla keeper. Hin shot na our only shot on target. I go rate am 6/10


Ander Herrera

E no play for long before wound carry am commot after 17 minutes. I no know why dem play am if e no dey fully fit self. I go rate am 3/10.

Alexis Sanchez (Alexo Short Devil)

This guy play beautiful nonesense. E no epp Lukaku for attack, e no stay hin left-wing, e no epp Ashley Young self. E no even dribble anybody. The only thing wey e do na to carry ball, run go back. Apart from the pass wey e give Lukaku for the 25th minute, e play rubbish. I go rate am 3/10.

Juan Mata (Juan Ikeji)

Juan Mata na our worst player of the day. E be like vanishing spray. E shock me say Mourinho no bench am at half-time. I go rate am 2/10.

Romelu Lukaku (Elephant)

E try for first-half, even when e dey isolated as e bin dey give Sevilla defenders serious wahala. But e con coll down for second half. E score for second half but Ref cancel am, say na hand ball. Some of hin passes get k-leg. I go rate am 5/10.

Bench Warmers

Paul Pogba (Maazi Pogba)

E no start the game as e bin dey bench. But e enter after Herrera woundjure. E bin retain possession well and e bin escape from tight situations many times (when two/three players dey surround am). But e no dictate the game. E try sha. I go rate am 5/10.

Marcus Rashford (Rashidi)

E no play for long but e cause havoc when e enter. E bin try score self. I go rate am 6/10.

Anthony Martial

E no play for long but e get one dangerous run wey e do when e enter, but hin cross dey too much, so e pass Lukaku. E bin change the game, e epp for our attack. I go rate am 6/10.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s