Red Devils boss Jose Mourinho don admit say the reason why e dey play Scott McTominay more these days, na because the boy don make hin trust am.
McTominay bin start against Huddersfield and Sevilla. As e play well, Mourinho don yarn say e trust am and e go develop am to star player, as e sabi say the boy get potential.
“I no fit dash person my trust. No be manager suppose trust player. Na the player suppose make the manager trust am. E no hard to understand. The way i take believe in McTominay, e make me believe am,” na wetin Mourinho yarn.
“Since the time wey e begin join first team for training session, e don start 8 times, and many things dey wey e suppose learn. I sabi when e suppose play, i sabi as hin mind dey think as e dey develop. I know say e go turn star player.”