Una sabi say reporters bin dey talk say make Marcus Rashford go find another club (loan, sale) where e go develop hin talent, as Mourinho no dey am well. Now, Reds legend Gary Neville don commot yarn say make Rashford no listen to dem, say at least e dey see enough game time under Jose Mourinho.
“Problem no dey now, E don play many times this season and the minutes wey e don spend ontop pitch yakpa,” na wetin Neville yarn.
“The guy don play almost all the matches this season. When you be pikin and you manage break into first team, no be all the matches you go play. The only person wey bin get luck to play all the matches wen e be pikin na Ryan Giggs, and the guy na serious beast.”