Manchester United midfielder Scott McTominay na modern day Darren Fletcher?

Some people dey talk say Scott McTominay na the modern day Darren Fletcher for Manchester United, so we at Man United in Pidgin con dey reason the matter as e fit be true.

The first point wey i go talk na say McTominay no dey play ball with force. Hin own football pattern na jejely, no stress and na how Fletcher take be when e bin dey for Old Trafford.

Another point na say McTominay dey provide balance to the United midfield, e dey ‘calm’ things and na how Fletcher take be. Oya make we use Herrera as case study now, Everybody sabi say Herrera sabi play ball, but e no dey provide balance to the team as e too dey shake. Herrera sabi tackle and e sabi intercept ball but the problem with am, na say if ball dey hin leg, e no fit calm game, hin own pattern na ‘sharp sharp’. McTominay on the other hand, no sabi tackle/intercept like that, but e dey calm game.

The last point wey i go talk na say, McTominay no be flare player and many fans fit no notice am because e no dey destroy players destiny like Anthony Martial and e no dey show skill like Maazi Pogba but e dey listen to instructions and na why Jose Mourinho like am. Na how Fletcher bin dey that year, hin game no dey spectacular but e bin do the basics wey epp Alex Ferguson.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s