Earlier this week, we bin dey hear rumour say Manchester United midfielder Maroune Fellaini go pack hin bags commot when season finish.
Hin contract go expire this summer and the Red Devils never gree with am ontop new contract. I hear say negotiations don stall as dem no fit meet hin offer.
Reds boss Mourinho don yarn hin mind ontop the matter as e don admit say e go like make the Belgian renew hin contract.
“Whether e go stay? whether e go find hin square root? I no sabi. I go like make hin stay sha, the club self wan make e stay,” na wetin Mourinho yarn.
“But i no sabi as negotiations dey go between him and the club. Fellaini own case dey different from Zlatan. E still be young man. E bin do small surgery for hin wound so e go come back after few weeks.”