Manchester United go fly enter Crystal Palace house on Monday night and the only thing wey go dey on the Red Devils mind na to wakka commot with three points as the fight for top four don dey hot. Liverpool and Tottenham wan follow us drag am. As usual we go cover live commentary ontop our official twitter handle @ManUtdinPidgin.
Team news dey? The boss don admit say Phil Jones, Daley Blind and Marcos Rojo no go dey available for the game. Ander Herrera and Maroune Fellaini still dey injured. Zlatan Ibrahimovic still dey out. Crystal Palace go dey without Fosu-Mensah as him na Man United boy (loan). Wilfred Zaha self dey absent. Other Palace players wey no go play na Scott Dann, Mamadou Sakho, Jason Puncheon and Ruben Loftus-Cheek.
How Crystal Palace dey do? Palace dey relegation battle. Dem be 18th position for Premier League table. So dem go dey very sturborn as dem self go dey eye three points.
Wetin happen when United face them for Old Trafford? United knack dem 4-0 as Juan Mata, Marouane Fellaini (2) and Romelu Lukaku tear net.
Na who go ref the game? Na Neil Swarbrick go ref the game. The last United game wey e control na their 2-2 draw against Stoke City.