The Red Devils dey wakka enter London to face Crystal Palace tonight and we believe say na must win game for Jose Mourinho’s men. Why? We go explain:
First ehn, the koko na say Manchester City don win League already jare, so make Jose Mourinho and hin men focus on top four battle. The three points go make sense as e go put them for driving seat for top four battle. Right now, Man United dey third but a win go restore dem back to second place.
Another reason na say, their next Premier League clash na against Liverpool. So if dem fit win, e fit boost their moral ahead of the game. Liverpool dey fine form now, so e go make sense if United enter the game with confidence and na only three points against Palace fit epp.
Finally, United dey six points ahead of Chelsea (fifth). If dem beat Palace, e go extend am to nine points with nine games to go. Na confirm driving seat if una go ask me.