Five Things wey we observe as Manchester United knack Swansea 2-0: Sanchez don dey improve

The kind smile wey full my face as the Premier League return today ehn, e con double as Manchester United knack Swansea 2-0 for Old Trafford.

Before the game, the Reds bin dey in Third positon because Liverpool knack Crystal Palace 2-1. But as Jose Mourinho’s men collect three points, dem don return back to Second position. The thing wey sweet me pass na the fact say the Red Devils no go do Guard of Honour for Man City at Ethiad.

The people wey score the Reds today na Romelu Lukaku and Alexis Sanchez. Ehen, make we sha talk about the five things wey we observe for the game:

The first thing wey we observe na say Manchester United bin balance wella for first half. Their attacking game no be for here. E shock me say dem sabi play ticki-taka (Na how dem take score their first goal self). See ehn, so dem sabi play like this, na hin dem play rubbish against Sevilla?

Another thing wey we observe na say Alexis Sanchez don improve hin game. So far, na hin best performance for United jersey, make i no lie. As e manage get assist, and e score, e sweet me ehn. We dey pray make e continue like this.

Another thing wey we observe na say our defence bin try wella today. Lindelof don dey improve o, but i gats hail Smalling. Everytime wey people write Smalling off, e go prove dem wrong. If Smalling fit work on hin few mistakes, e fit become star defender.

dzoypqmu8aa7izx

Another thing wey we observe na say Jesse Lingard na the revelation of the season. Before season start, if person tell me say Lingard go turn star boy, i for no believe but na wetin happen. E try wella today, e connect well with Mata, Sanchez and Lukaku. Make Mourinho dey use am more. Lukaku self try today, hin touches make brain and e no too lose possession. Mata self dey important to the team.

 

The last thing wey we observe na say Pogba dey play too deep, E dey struggle to create chances from the back but anytime wey e dey close to the box, e go dey very deadly, dey produce magic. Like see the mad pass wey e give Mata, but Mata no fit bury am. All round, Pogba try well today, e control game.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s