We no fit get enough time to reflect ontop the horrible defeat wey we see against West Brom because we go face AFC Bournemouth on Wednesday night. So we go jejely rate our players’s ontop how they perform for pitch yesterday:
David de Gea: E bin no dey busy as West Brom no see many chances but e make one world class save for first half. The goal no be hin fault. I go rate am 6.
Antonio Valencia: I no see hin hand work at all. Na only pass completion wey e do. I go rate am 4.
Ashley Young: Most of hin crosses na dead. Like Valencia, e no play well self. I go rate am 4.
Chris Smalling: E try as e manage prevent many counter attack opportunites. The goal no be hin fault. E bin rush go front to try equalize but their keeper catch hin ball. I go rate am 5.
Victor lindelof: E bin try defensively. E no epp for attack when we concede. Rondon bin bully am sometimes. I go rate am 4.
Nemanja Matic: Na him wey do assist for the West Brom goal. Hin game too slow against West Brom. I go rate am 3.
Ander Herrera: I no understand the work wey e do first half before Mourinho remove am at half-time. I go rate am 3.
Paul Pogba: I bin dey expect big performance after the display wey e show against City last week. E fall my hand. I go rate am 4.
Alexis Sanchez: E no impact match at all. E lose ball and e too dey try complicated things. I go rate am 3.
Juan Mata: This guy na the worst player on the pitch against West Brom. I wonder how e take play 90 minutes. The only thing wey e do lose possession, error control, and e go dey pass like say shot don finish for hin body. If dis guy see empty net, e go still pass. I go rate am 1.
Romelu Lukaku: E bin miss some chances. I think say e don score that header but Foster na bastard. Hin teammates no find am well. I go rate am 5.
Jesse Lingard: As this guy enter for half time, i no sabi hin impact. I go rate am 3.
Anthony Martial: E bin dey play like say e dey vess for Mourinho and e wan prove statement. Sometimes when e suppose keep am simple, e go dey try skill. For wetin? I go rate am 3.
Marcus Rashford: No impact at all because the game don already scatter before e enter. No game plan at all but na Mourinho i go blame. I go rate am 3.