Five Things wey we observe as Brighton sink Manchester United 1-0: Mourinho na Robin Hood

Friday night na horror show for Red Devils fans as Manchester United lose 1-0 to Brighton. The thing wey pain fans for the game na how United take play, like say e no consign dem.

Anyhow, we wan talk about the five things wey we observe for the game:

See ehn, almost everything dey horrible for the game but the only person wey shine na David de Gea. Him na the only person wey play well. Smalling self no get bad game but i no sabi why e no overlap like the other games wey United dey lose. Maybe na Mourinho tell am say make e no do am. but i dey happy with our spanish goalkeeper. E pain me say e miss out on hin clean sheet.

The second thing wey we observe na say the time don reach for Manchester United to offload Juan Mata, Maroune Fellaini, Matteo Darmian, etc. Firstly, i know say Mata na nice guy but hin form don dey drop and out of all our attackers, na the worst this season. You go play am for right-wing, but e go relocate go Left-wing or middle and e go stay there till match finish. Fellaini own worse, i no sabi wetin Mourinho see in am, wey e dey beg am to stay. Hin only function na to win aerial balls. As for Darmian, e no get function self.

Another thing wey we observe na say Anthony Martial and Marcus Rashford don fall people hand as dem no gree use the opportunity wey come their way. Na Rashford wey do worse self as e bin get chance to do assist for Martial for first half but e refuse. The guy dey stingy. As for Martial, apart from the dribbles wey e dey do, e no dey offer anything else. Mourinho don yab them for hin post-match conference self, say na bench dem go dey.


Another thing wey we observe na say our midfield bin fall apart. Paul Pogba wey suppose keep am simple, go dey try tricks up and down. Nemanja Matic dey slow, but na the normal Matic game be that. The game bin improve when Lingard enter but nothing wey e fit do, to change the scoreline.

The last thing wey we observe na say Jose Mourinho get plenty work to do this summer as e gats decide which players wey e go buy and the ones wey e sell. We just dey pray make e buy the right players because we no fit continue like this.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s