Players’ report card ontop Brighton 1-0 Manchester United: Na only De Gea shine, Martial and Rashford mess up


Manchester United don disgrace themselves after dem turn Robin Hood against Brigton on Friday night. Instead make dem win so, na only one point go remain to secure second, dem go mess up. We sha wan rate our players ontop how dem take perform:

De Gea: I dey happy with am. E get one mad save wey e make for first half to deny Brighton. E also bin make other saves wey deny Brighton goal. If no be for am, e for end like 3-0. I go rate am 7.

Chris Smalling: Hin defensive game no bad as e block many balls, but e no overlap when we bin dey lose. E pain me. I go rate am 5.

Marcos Rojo: E just dey. E try and e also mess up sometimes. I go rate am 4.

Young: I no sabi wetin e offer for the match. I fit count the number of balls wey e cross on one hand self. I go rate am 3.

Darmian: This guy dey useless. E no attack and e no defend well. na him wey cause the goal. i go rate am 1.

Nemanj Matic: E allow make Brighton steal midfield for hin hand. I go rate am 4.

Paul Pogba: I bin dey expect good game from am but e fall my hand. I go rate am 4.

Maroune Fellaini: Apart from the aerial duels wey e win, e no offer anything else. I go rate am 3.

Anthony Martial: The only thing wey e do na dribble and spoil ball. E fall my hand. I go rate am 3.

Juan Mata: This guy dey use vanishing spray from start till finish, no impact. I go rate am 1.

Marcus Rashford: E get one ball wey e suppose use do assist for Martial but e dey stingy. E fall my hand. I go rate am 2.

Bench Warmers

Lingard: E impact the game small but e no fit change am. E miss one chance like that. I go rate am 4.

Shaw: I no sabi how e take impact the game. I bin expect more from am when e enter but the fact wey e no sabi cross dey pain me. I go rate am 2.

I no fit rate McTominay because e no play for long.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s