Five Things wey we observe as Manchester United knack Watford 1-0: Baba Caro don retire

The Premier League season don finally end and na three points wey Manchester United collect as dem knack Watford 1-0 for Old Trafford. Na Marcus Rashford wey score for the Red Devils after Juan Ikeji do assist for am.

The thing wey sweet people pass for the match, na the fact say Michael Carrick aka Baba Caro don retire. Anyway, everybody don turn their attention to the FA Cup final wey Mourinho’s men get against Chelsea.

We wan talk about the five things wey we observe for the game:

The first thing wey we observe na say Michael Carrick still get am for body. Na him wey create the goal self as e fling ball from Lagos to Accra to Juan Mata, wey do assist for Rashford. If no be for the heart issues wey e get, e sure me say e for no retire now. We wan wish am well sha.

The second thing wey we observe na say Marcus Rashford and Sergio Romero bin shine for the match. Rashford bin dey make dangerous runs wey cause Watford defenders problem. As for Romero, if no be for am, Watford for don score. E get one ball wey i think say na goal self. Before i for weak, Romer fly punsh am commot.

Another thing wey we observe na say Jose Mourinho don already decide the Man United team wey go face Chelsea for FA Cup final. E bin rest some key players wey dey sure for that final. The only position wey dey up for grabs na the No.9 position and that one na if Romelu Lukaku still dey injured.

Another thing wey we observe na say Eric Bailly and Marcos Rojo bin dey solid, na why United manage keep clean sheet. I no sabi if Bailly go start the FA Cup final sha, as Jose go wan play Smalling and Jones.

The last thing wey we observe na say Manchester United bin dey sloppy for the game. Most of their passes bin dey go astray. Make i no lie, if the Reds wan win League, dem gats buy people this summer.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s