Timothy Fosu-Mensah don finish hin I.T for Crystal Palace and e dey return back to Old Trafford. Some fans believe say Mensah go replace Valencia one day but the problem na when?
Manchester United bin get right-back issue last season as na only Valencia sabi play there well. As Mensah bin dey on loan, na Darmian dey play there when Mourinho wan rest Valencia. Darmian na complete pipe, the guy no get attacking sense at all and e dey also give person high BP for back, na why United wan sell am to Juventus. Now wey Mensah don return, i believe say e fit drag that position with Valencia if Mourinho give am chance. Wetin you think?