We don receive many amebo tori from Duncan Castles ontop matter wey consign Manchester United transfers.
First, dem talk say United don dey prepare to offer contract to Shakhtar Donetsk midfielder Fred.
Dem also talk say Mourinho wan sign one midfielder wey go replace Michael Carrick. E go add jara if Fellaini talk say e wan leave. God abeg, make Fellaini pack hin bags so we go buy two new midfielders.
Dem also talk say the Reds boss don enter market as e wan buy four new defenders, as e wan sell Daley Blind, Matteo Darmian and Luke Shaw.