Manchester United bin lose 1-0 against Chelsea as Hazard score the only goal for Wembley. Now Red Devils legends Rio Ferdinand and Paul Scholes dey blast Alexis Sanchez and dem wonder how e manage play 90 minutes.
According to Rio Ferdinand, na Sanchez suppose commot, no be Lingard.
“When Mourinho commot Lingard, i con look Scholes and we begin shake our head as the guy don dey influence game,” na wetin Ferdinand yarn. “Who Sanchez epp? But Mourinho no remove am. I feel say e no try with hin subs today.”
Paul Scholes also yarn say e dey shocked with the way Jose use hin subs today as e dey blame the United manager partly for the defeat.
“The subs wey Jose make dey pain me. Na when Rashford and Lingard con dey influence the game, e remove dem,” na wetin Scholes yarn. “Lingard bin dey worry dem, and Rashford bin miss one big chance before dem remove am. See e confuse me. E con leave Sanchez for 90 minutes.”