So the UEFA Champions League final go happen tonight between Real Madrid and Liverpool. The fact say na one of our biggest rivals dey the final, don make am our business as we go like make Madrid win so we fit sleep well.
As Chelsea don already carry FA Cup, if Liverpool con win Champions League trophy, i go bury my head in shame as na all my enemies lift cup this season (Man City, Chelsea, Liverpool). So we dey pray make our old boy, Cristiano Ronaldo save us from disgrace.
Some United fans dey support Liverpool onto say ‘English football love’ but make we dey honest with ourselves, when we dey Europa League final, dem bin dey pray make we lose so dem go troll us. Nothing for this life fit make me support Liverpool tonight as i dey standa fully behind Ronaldo. Na the same way most true United fans dey standa behind Madrid, na how Barcelona fans dey stand behind Liverpool as dem no go wan make Madrid carry am.
Make Salah no worry, we go show our african love for am during World Cup, no be now.