“Na good thing to hear say club like Manchester United wan sign you,” na wetin Arnautovic yarn for Vivaro News. “My brother never tell me anything sha. My manager agent self never mention am. If una like, dey ask me this question till kingdom come, i no go answer una.”
Jose Mourinho bin wakka come watch the Austria game wey happen but Arnautovic believe say the United boss dey only spend hin holiday.
“E dey on holiday jare,” na wetin Marko yarn. “I never yarn with am, e dey on holiday jare. Free me biko.”
Arnautovic bin tear net 11 times for West Ham last season but hin best game na when e score the winner vs Chelsea.