As everybody dey happy say Manchester United don sign Pastor Fred from Shaktar Donetsk for £52.5million, we don sharply analyze how e fit epp the team so dem fit carry Premier League season next year.
We believe say Fred go unlock Pogba. Everybody sabi say Maazi Pogba na great player, but the problem wey e get na say e dey under perform sometimes. Some people go talk say na because Mourinho no dey use am well but i believe say the midfielders wey surround am bin dey dull am. Matic na good player but e no get attack-mind, Herrera self sabi ball but hin form bin drop last season. We believe say the kind partnership wey Pogba and Fred go form, go destroy teams for that middle.