Arsenal Legend Emmanuel Petit don praise Paul Pogba ahead of the World Cup wey go happen for Russia.
Everybody sabi say the French midfielder get mad potential but the only problem na say, hin form be like PHCN light for Nigeria. Anyway, Petit believe say Pogba fit show people say him be world class.
“We all sabi say Pogba sabi ball, say e fit be great person,” na wetin Petit yarn. “But i wan see the Pogba wey i see against City, if e fit behave like that, nobody fit stop am. Pogba na person wey dey play well when e dey angry. I wish say Pogba fit play like that every game. Sometimes e dey go on rampage mode because e wan prove hin critics wrong.”