As day don break, we don talk about all the latest transfer tori wey consign Manchester United.
Firstly, we bin hear from Mail say, Toby Alderweireld no dey sure whether e go leave Tottenham or not, but right now, e dey focus on the World Cup.
“Shey i go remain for Spurs? Ehen now, why not? Na two years remain for my contract, i no sabi wetin go happen. But for now, na World Cup dey my mind.” na wetin Toby yarn.
Secondly we hear from Telegraph say Mourinho don tell Ed Woodward to focus more on centre-back than left-back. According to wetin we hear, Mourinho dey plan to use Diogo Dalot as left-back too, so na why e don fashi Danny Rose side.
Lastly, we bin dey hear rumours wey dey link David de Gea to Real Madrid. Now the Spanish goalkeeper don react ontop the matter.
“See ehn, Florentino Perez no get my number. I no sabi if i go great man if i go Real Madrid, my own na say i dey happy at Manchester. Shey i wan go Madrid? I wan win titles but i dey happy at United.”