Manchester United midfielder Maroune Fellaini na game changer as e manage help Belgium come from two goals down to knack Japan 3-2 for FIFA World Cup.
Things bin dey go well for Japan at the start of the second half as dem manage burst Belgium yansh twice with goals from Genki Haraguchi and Takashi Inui.
Make i no lie, When the score be 2-0, i think say Belgium don jah as before now, no team don come from 2-0 down to win for knockout stage in World Cup.
Personally, I gats hail Roberto Martinez sha because e bin make double changes as e replace Dries Mertens and Yannick Ferreira-Carrasco with Marouane Fellaini and Nacer Chadli. As God go want am, na Fellaini wey score the equalizer, while na Chadli wey score the winning goal for dying minute.