Manchester United defender Victor Lindelof don issue warning to England and other teams wey dey World Cup, say Sweden no dey the competition to look Uche face.
“People gats take us seriously. See ehn, you go sweat if you wan play us onto say we dey wear iron pant,” na wetin Lindelof yarn for The Guardian. “Una go suffer before una fit break our defence down. We dey defend with eleven players o.”
The United star also praise Zlatan Ibrahimovic as e yarn say the guy na the best player wey Sweden don produce.
“Zlatan na the best player wey Sweden don get before,” na wetin Victor yarn. “See ehn, i no fit compare anybody with am but Emil sabi play ball sha so e make sense as people dey recognize am.”
“Me and Zlatan never yarn about wetin e talk about the team. I no even sabi how old i go be before people go stop dey yarn about me.”