Five things wey we observe as Manchester United knack AC Milan on penarites: Alexis ball pass

djalmivuyaa6zm7

Manchester United don win their first pre-season game after dem knack AC Milan on penalties. But no be penarity matter we wan talk now, as we wan talk about wetin we observe during the 90 minutes of football. The match bin end 1-1 for full-time and na Alexis Sanchez wey score for United after Juan Mata do assist for am.

Anyway, the first thing wey we observe for the game na say United bin play well. Infact, na their best pre-season game so far as dem see many chances. E pain me say dem no dey clinical. But the person wey impress me pass na Alexis Sanchez. Na the rest wey e get during World Cup period don keep am fresh.

Another thing wey we observe na say Andreas Pereira na baller. E get vision and e sabi throw long pass wella. The only bad thing na say, e no sabi defend like Matic so i no dey sure if Mourinho go use am for defensive midfield. But i go like see am for midfield but na further up the pitch.

FPL1

FPL

Another thing wey we observe na say Matteo Darmian bin get fine game against AC Milan as e bin make many attacking runs. E try pass Luke Shaw self if i go dey honest. Shaw no sabi cross jare, na wetin fit make Ashley Young start ahead of am.

Another thing wey we observe na say Joel Pereira sabi save penarities. Na him wey make United win for pena. If no be for am, AC Milan for don win. E sure me say the loan wey e dey go next season, go help am.

The last thing wey we observe na say Eric Bailly and Chris Smalling bin make some errors today. Bailly bin try for the most part but sometimes, e bin dey careless and e almost make AC Milan score. Smalling own na cause for concern, as e just dey play everybody for Milan onside.

FPL 6

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s