Manchester United star Luke Shaw don reflect ontop hin critics wey dey call am fatty bum bum


Manchester United defender Luke Shaw don reflect ontop hin career and hin relationship with red boss Jose Mourinho as e believe say e fit fight for shirt at Old Trafford.

Una sabi say critics and media people bin dey yab the English international, say e dey fat, say na only food e sabi. Now e don yarn hin mind ontop how e see the whole matter.

“People dey talk say i be fatty bum bum but i sabi my body. Na the same type of body i get, wey Wayne Rooney get. I dey work hard self, no be for critics, i dey do am for myself. I wan get six packs,” na wetin Shaw yarn.

“Now i dey work hard as i dey prepare for the first game of the season. I wan full ground wella. Anything wey you do for this life, dem go talk so i dey used to am. E dey make me stronger self.”



“Luck no just dey my side as my career dey go up and down with different managers but my shape dey kampe. Sometimes, i dey lose shape but overall, i dey try my best.”

Una sabi say Jose Mourinho bin send hin United players text message for summer period, now e don yarn hin mind ontop am.

“When e send am, i no sabi as i go take reply am as i no wan seem desperate. But i bin like am as i receive text from am. I bin no dey expect am. I bin follow am word and it make brain. Na wetin ginger me for this season,” Shaw still dey yarn.


“The only thing wey dey pain na say people dey carry wetin e yarn for public and dem go twist am. Nobody dey see as we dey relate for training ground, na only me sabi. E dey yab me for public to ginger me. E sabi say i fit turn world best. E sabi say i fit make am for United.”

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s