Manchester United manager Jose Mourinho don provide update ontop the clash wey hin side get against Leicester City on Friday night. Nemanja Matic no go play our game vs Leicester.
“The players wey bin play pre-season for us full ground. Alexis bin try o, e play many matches. E dey ready o, but we no fit risk men wey dey just come back on Monday,” na wetin Mourinho yarn.
“Why pre-season no go hard? when almost all my players no dey around.”
“The way people dey yab us for media ehn, person go think say we relegate but na we finish second. The way dem dey praise people wey finish below us, like say dem carry back to back trophies.”
The boss don also provide update ontop hin World Cup players: “Today when Training finish, i go yarn with them to see if dem dey ready. To know if dem fit epp us or not.”
Mourinho ontop United vs Leicester: “The match dey important. E for make sense if we no dey play tomorrow but wetin man go do. We dey ready.”
As today be transfer deadline day, the United boss don also provide update onto transfer matter wey consign united. Jose Mourinho no believe say United fit sign new player today: “See ehn, nothing dey happen.”
“I don lose hope already self. If dem like, make dem no buy new player. I don commot mind for there. The market go close and we no go sign anybody.”