Five Things wey we observe as Manchester United knack Leicester City 2-1

The Premier League don finally kick-off and Manchester United don collect the first three points after dem knack Leicester 2-1 for Old Trafford. The people wey score for the Reds na Paul Pogba and Luke Shaw, while na Jamie Vardy score for Leicester. We dey happy with the result sha but now we wan talk about the five things wey we observe for the game.

The first thing wey we observe na say Alexis Sanchez wey bin shine for pre-season for United, play rubbish today. But we go still congratulate am for the penarity wey e win for us as na hin shot wey go hit Leicester person hand. But e bin too lose ball for the game, e remain small make e wear Leicester jersey self. But e bin almost get assist for Lukaku as e feed am one dangerous ball. But i no sabi as Lukaku manage miss one on one.

Another thing wey we observe na say Manchester United bin start the game well, then after the Paul Pogba goal, dey con relax, dey play rubbish for first half. Their game bin improve for second half but e no still be the standard United performance wey fans dey expect. The three points na the koko sha.

Another thing wey we observe na say Luke Shaw and Andreas Pereira na the stand-out performers against Leicester. That Pereira be like new signing self, with the way e take dey calm on the ball, e no panic. As for Shaw, apart from the ball wey e mess up, wey Vardy almost do assist for Gray, e play ball fire. Paul Pogba bin impress me too.

Another thing wey we observe na say David de Gea don show say e still sabi. E don silence all the people wey bin dey doubt hin skills, after e mess up for Spain at the World Cup.

The last thing wey we observe na say Jose Mourinho bin approach the game tactically as e no wan slaughter Leicester. Na man management e bin dey do as most of hin (World Cup) players dey match rusty.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s