‘Paul Pogba go remain for Manchester United this season, e sure me’ – Wes Brown

pogba
The reports wey we dey hear from Daily Star, na say former Manchester United player Wes Brown believe say Paul Pogba go fashi Barcelona, as e wan remain for Old Trafford this season.
The United midfielder bin no dey on top form for the most part of hin 2017/18 season, but e don dey play well since the FIFA World Cup wey happen for Russia. As Barcelona see say e don ripe now, dem wan buy am.

People bin dey talk say Paul Pogba and Jose Mourinho get beef, but the United midfielder don admit after the Red Devils’s 2-1 win against Leicester, say all na lie, say him and Mourinho dey relate well.

Brown, believe say e no dey possible for Ed Woodward to sell the French international onto say dem spend £89 million ($114m) to buy am.

Fpl main 2

“Pogba no dey go anywhere jare,” na wetin Brown yarn. “Him na Manchester United player, na him wey captain dem on Friday, na him wey score pena, e do well for World Cup. See ehn, i dey pray make e shine for United this season.”

“Now e go receive freedom self as United don sign Fred, Matic self still dey. As Fred take be like agbero for Oshodi under bridge, e mean say e fit track back so e go allow make Pogba dey go attack.”

“Make we dey see sha, the season still dey fresh. na as time dey go, we go sabi whether Mourinho go allow make e dey attack or not.”

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s