FPL TORI; fpl players wey we don reason say you gats buy for this gw3

As fpl don start, e get managers wey happy with the way the tin dey go but other managers just wish say them fit go back in time restart this tin,
But we for muip wan yarn una say make una never give up as per say na only two weeks don waka and you get up to 36 weeks wey remain for you to still blow ontop fpl. With the right players and combos, you fit gather grounds on your rival managers and if you don dey gallant ontop fpl before now, the right players go even improve your chances on winning for the major leagues and the small small leagues wey dey
This na 15 players wey we for muip feel say fit help you shine for fpl both short term and long terms based on as the league don be so far.

GK – Ederson Moraes(Man City) £5.5

The Brazilian gk don dey fit pep style to dey attack from back even as him knack assist for aguero wey him take open scoring against huddersfield. Na the only gk for pl wey fit do that tin and also get clean sheet potential at the same time. Na good buy.

GK– Neil Etheridge(Cardiff) £4.5

Apart from the fact say Etheridge don keep one clean sheet and him no cost, him get 100% pk save rate so far, him don catch two penalties wey him don face this season and dat na 5 points per save which go cover up if him no keep clean sheet. The Cardiff city number 1 na the keeper to get for your team as first choice which fit help you save money or good back up.

DEF– Steve Cook(Bournemouth) £4.6

Cook don nak 80+ points for managers for the past three seasons for fpl, na very cheap buy and the only Bournemouth defender wey dey likely to deliver points even if clean sheet no dey.

DEF– Benjamin Mendy(Man City) £6.1

Fpl managers no too look him side last season as per say injury knack am for most of the season but he don dey show the reason why guardiola splash boku money on top him head. three assists, one clean sheet and enough bonus points na wetin him don deliver in just two gameweeks. Even as fpl managers dey rush am, you gats follow them rush am o because e be like say pep no go like rotate this kind quality.

DEF– Jeffrey Schlupp(Palace) £4.5

Na left winger for team sheet but fpl still classify am as defender which be him previous position, so this na opportunity for fpl managers to bank on person wey get more attacking freedom and go still collect benefit if clean sheet dey.

DEF– Marcos Alonso(Chelsea) £6.6m

We been dey think say as sarriball don come, the left back no go get the kind attacking freedom him get under conte but as the tin dey go e be like say he get more freedom sef with the dms wey dey cover for am, he don knack whooping 24 pnts so far and we believe say na must buy.

MID – Richarlison (Everton) £6.8m

Life dey go smoothly for the former Watford forward, he gel like say everton na the club wey God make for am, he don deliver the past two weeks and with favorable fixtures wey dey ground, him fit help boost your fpl.

MID – Sadio Mane (Liverpool) £9.8m

As people dey rush salah, we no expect say na mane go start season on fire, he don knack 3 goals so far and na cheap and perfect substitute for salah for now.

MID – David Silva(Man City) £8.4m

As kdb don wounjure and fit dey out for 3 months, the playmaking job go dey silva head and as per say people dey fear guardiola rotation, na one player wey pep go surely dey start.

MID – Dele Alli(Spurs) £9.1m

Na midfielder for fpl but if spurs dey play, him dey showcase as second striker because of him good eye for goal, 14 points so far and e still dey count.

MID – Ruben Neves(Wolves) £5.1m

Head bursting freekick from far wey e score against everton don showcase the portugese ability, him don dey prove as bargain and good short term plans for managers for fpl.

FOR – Sergio Aguero(Man City) £11.1m

After that hattrick wey him knack last GW, managers don dey regret say them no buy am, pep rotation no affect am and e be like say na guardiola major striker for the season, na must buy if you wan revive your fpl.

FOR – Pierre-Emerick Aubameyang(Arsenal) £11.0m

Him no start the season the way fpl managers take reason am because of some helele fixtures but as the next five arsenal fixtures dey favorable…we dey advice fpl managers say make them still get faith in the prolific striker.

FOR – Callum Wilson(Bournemouth) £6.1m

Wilson na confirm third choice striker as per say him cheap and na him be the penalty taker for Bournemouth ,make fpl managers reason him side as him don knack points for each gameweek so far.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s