Jose Mourinho don provide update ontop Manchester United clash vs Tottenham

Manchester United boss Jose Mourinho don sharply run press conference ontop the match wey hin side get against Tottenham on Monday night.

“Na everytime wey i dey look forward to our matches, even after we don lose, as e go dey hungry me to play again. I love football and e dey sweet me when i dey standa for touchline,” na wetin Mourinho yarn.

“How i dey feel? I feel say we play well against Leicester na why we knack dem. I dey feel say we play bad against Brighton so we set yansh. Against Spurs? I wan make we play well so we go knack dem.”

“I wan dey play well and win. I no wan make my players dey make mistakes, play well and win. Na the koko be that, i no wan mistakes.”

Jose Mourinho don provide update ontop Valencia, Sanchez and Matic: “I never make up my mind yet ontop if dem go play but dem don dey train with the team. Dalot self dey train with the team, so dem don almost get back to shape.”

“Today na Friday, we go train on Saturday and Sunday, then Match-Day na Monday. Dalot dey train with us this week. Medical people don give am green light.”

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s