Five Things wey we observe as Manchester United knack Burnley 2-0: Lukaku wan break Drogba record

After two horrible games, i fit smile again as Manchester United don knack Burnley 2-0 for Turf Moor.

The person wey score the two goals for the Reds na Romelu Lukaku. Na Sanchez wey do assist for the first goal as e give am one sweet cross. As for the second goal, no assist as na two deflections from Burnley defenders wey carry ball go meet Lukaku, so e con bury them. Right now, the Belgian international don score the same number of Premier League goals (104 goals) as Chelsea legend Didier Drogba, in fewer games.

Our next game na against Watford, but na after international break sha. Meanwhile, i wan talk about the five things wey i observe for the game.

The first thing wey i observe na say Manchester United play wella from start to finish. Even after the red card wey Rashford collect for second half, dem still see many chances. Dem control game. If i go dey honest, na the best United game so far this season. Na team work effort. Na clean sheet self.

The second thing wey we observe na say the formation wey Jose Mourinho use against Burnley make brain. Na Smalling and Lindelof bin play centre backs, while Shaw and Valencia bin dey for Left-back and Right-back, but when Shaw and Valencia overlap, Fellaini go come back siddon in the middle of Smalling and Lindelof. The thing pay United as Shaw bin cause trouble for Burnley defence when e go attack. The times wey Burnley wan use long balls worry us, Fellaini clear the danger. I no even fit count the number of Burnley passes wey Fellaini intercept, e plenty. Fellaini and Matic bin dey interchange roles for the game. All round, the formation go well.

Another thing wey we observe na say Manchester United gats dey clinical with their chances. I know say dem win 2-0 but the koko na say the game suppose end like 5-0. Romelu Lukaku, Lingard and ko dey waste chance up and down. Paul Pogba self go miss penarity. E pain me but i dey thank God for the three points.

Another thing wey we observe for the game na say Marcus Rashford be sturborn boy, na wetin make am collect Red card. E don apologize ontop hin instagram account sha. If say e get sense, e for allow make Ref give that guy yellow, why e go head butt am, you be Zidane?? Anyway, the games wey e go miss na United’s games against Watford, Wolves and Derby.

The last thing wey we observe na say Jose Mourinho fit don find hin strongest defensive Partnership in Chris Smalling and Victor Lindelof, that one na if Fellaini and Matic go cover them. E fit dey manage am till United fit buy strong defenders wey fit cover for demselves.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s