Five Things wey we observe as Manchester United knack Watford 2-1: Smalling dey try!

Tonight make brain as Manchester United don leave Watford house with 3 points after dem knack dem 2-1. The people wey score for the Reds na Romelu Lukaku and Chris Smalling. E remain small Watford for equalize for dying minute but David de Gea bin make world class save to deny them. The next match wey the Red Devils get na against Young Boys for Champions League, meanwhile, we wan talk about the five things wey we observe for the game.

The first thing wey we observe na say Manchester United play wella for first half but dem flop for second half. Na only one shot on target wey dem see for the second half and e no even dey on target. E be like say na Jose Mourinho wey instruct dem, say make dem no attack. We sha thank God say United commot with three points, else ehn, the English media for roast Jose Mourinho.

Another thing wey we observe na say Paul Pogba and Romelu Lukaku bin play wella for first half but dey con dey mess up for second half. All round, the person wey impress me na Maroune Fellaini as e bin break up many Watford plays. E be like say this DM role wey Mourinho dey use the Belgian fit am wella. Matic self bin play well, i just dey pity am for hin Red card. But the luck na say the only match wey e go miss na the League game vs Derby so no be big miss.

Another thing na say Chris Smalling and Victor Lindelof partnership no bad. With the way things dey go, if Eric Bailly no step up, e fit warm bench many times this season. Since hin blunder against Brighton, Mourinho don relegate am to bench duties and as God go want am, Chris Smalling dey shine dey go. Tonight, Smalling bin dey outstanding and e con crown am with sweet goal.

Another thing wey we observe na say Alexis Sanchez bin dey frustrated today as things bin no go hin way. One person wey i go blame for this na Lukaku. That guy first touch and hin link up play na error. All the times wey Sanchez make run for am, e spoil ball. E go dey pass like say hin football boot na Timberland boot.

The last thing wey we observe na say Room still dey for improvement in the Manchester United team as dem no show say dem fit win the League title. But for now, we go manage the three points..

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s