Five Things wey we observe as Manchester United knack Young Boys 3-0: POGFire

MAR.jpg

Tonight make brain as Manchester United knack Young Boys 3-0 for Champions League. Na Paul Pogba wey score two goals, while na Martial wey score the third goal. I dey happy with Pogba self as na him wey get the assist for Martial’s goal.

Meanwhile, for the other group, Juventus knack Valencia 2-0, but the news wey dey fly round na say Cristiano Ronaldo get straight red card, so e go miss three games. Make we sha talk about the five things wey we observe for the game:

The first thing wey we observe na say Manchester United try as dem win 3-0 but performance wise, e get as e be, as the game dey dull. But i no go blame dem as the pitch no good, na artificial pitch. But United still show dem who be boss as dem manage score three goals. E remain small e for be 4-0 as Mata score, but Lukaku bin dey offside.

Another thing wey we observe na say Paul Pogba don prove hin critics wrong as e manage show everybody say e be world class. The guy impress me wella. Hin combo with Matic and Fred tap wella. But Fred gats go learn how to dey orderly as the guy dey run around like headless chicken sometimes. All round, our midfield try.

Another thing wey we observe na say Diogo Dalot na the real deal. The only thing wey e gats work on na hin pull out. Dalot for right, and Shaw for left, na dream for United fans, as dem two sabi over lap wella. Na only one mistake wey Dalot do for our defence but Smalling save am from shame.

Another thing wey we observe na say Chris Smalling and Victor Lindelof partnership for our defence na the best now. I like Bailly but i no sabi who him wan bench for the team now. For paper, e fit bench Smalling, but for Reality, e no fit bench Smalling.

The last thing wey we observe na say, na now the Champions League dey start as United go face the big boys now. I believe say United fit beat Juve and Valencia, make we dey see sha.

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s