Players’ report card ontop Manchester United 3-0 Young Boys: Na Paul Pogba shine pass

poo

Na good night for the Red Devils as dem demolish Young Boys 3-0 with goals from Paul Pogba (2) and Anthony Martial. The next game wey Manchester United get na against Wolves for Premier League, i hope say dem fit pick up another three points.

Anyway, we wan sharply rate our players ontop how dem take perform vs Young Boys:

David de Gea: E bin make some good saves to deny Young Boys when the match still be 0-0. If say dem score, the match for dey different. I go rate am 8.

Diogo Dalot: E play well. Hin forward runs for first-half make brain but gas con finish for hin body for second half. E bin do one blunder for our defence as e slip but Smalling save hin yansh. I go rate am 7.

Luke Shaw: As usual, e play very well. For defence, e try self. E for get assist but Mata’s chance no dey on target. I go rate am 8.

Chris Smalling: This guy try, e no allow make anybody pass am. Hin combo with Lindelof dey work. I go rate am 7.

Victor Lindelof: E try today, hin mistakes no plenty like that. I go rate am 6.

Paul Pogba: Na my man of the match be this. E bin score two goals and get one assist. I go rate am 9.

Nemanja Matic: Apart from some of hin sloppy plays, e try. I go rate am 6.

Fred: E try sometimes. But sometimes, e go dey run around like head-less chicken. I go rate am 6.

Martial: E dey quiet for first half but e con improve for second half. I dey happy say e score self. I go rate am 7.

Rashford: E try sha but right-wing no be hin strongest position. I go rate am 6.

Romelu Lukaku: Apart from hin hold-up play, e no do anything. I go rate am 5.

Bench Warmers:

Mata: E bin miss two chances, i go rate am 6.

Fellaini: E bin deny Young Boys scoring chances. I go rate am 6.5

Pereira: I no fit rate am as e enter late.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s