Jose Mourinho’s press conference ontop Manchester United vs Wolves

Manchester United boss Jose Mourinho don run press conference ahead of hin side’s Premier League clash against Wolves on Saturday.

The Red Devils dey in fine form after dem knack Burnley, Watford and Young Boys, now the United boss dey hope say hin side go pieces Wolves this weekend.

Jose Mourinho don confirm say Phil Jones dey available, incase e wan select am. E also don provide update ontop other players.

“Ander Herrera no dey ready, hin body never recover fully but e dey show signs of improvement,” na wetin Jose yarn. “Matic and Rashford no fit play, dem dey suspended.”

The United boss don also confirm say Diogo Dalot go miss the Clash vs Wolves.

“The guy sabi ball wella. From how e take play on Wednesday, I dey reason say e don show people say e no come United to look Uche face, e come to fight for shirt.” na wetin Mourinho yarn.

“But Dalot no go play tomorrow but e go play on Tuesday night against Derby for Carabao Cup. I no wan rush am and I wan make hin body dey fresh.”

Jose Mourinho don provide update ontop the relationship between him and hin agent Mendes.

“Me and Mendes no be paddy jare. I no fit remember the last time wey i follow am word self, when we speak self, we no dey talk about my job or hin job,” Jose still dey yarn. “The guy na my agent, full stop. But e try for Wolves sha.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s