Five Things wey we observe as Manchester United throway 3 points against Wolves: 1-1 Lukaku na ode

dntcvv9uuai6nin

Today as sad day for United fans because as the rest of the big clubs dey win heavily, Wolves bin hold the Red Devils to 1-1 draw for Old Trafford. If i go dey honest, the only good thing about Old Trafford today, na the fact say Sir Alex Ferguson don come back. Right now, United dey 8 points behind Liverpool, and 6 points behind Man City.

Anyway, make i kukuma talk about the five things wey i observe for the game:

The first thing wey we observe na say Nemanja Matic na big miss for the Reds today. I know say Fred bin score for United but for defensive duties, the guy dey lack big time. For attack, e sabi, but for back, na moron. If you con join Fred and Pogba for back, na total shambles when Wolves dey with ball.

The second thing wey we observe na say Paul Pogba bin try for midfield but na him wey cause the goal wey Wolves score as dey bin steal ball from am. But Apart from that, e try wella for midfield but all the balls wey e give Lingard, Lukaku and Sanchez, dem waste am.

Another thing wey we observe na say Luke Shaw play well as usual but Antonio Valencia gats define hin job role. Valencia just dey fill up space, e no go dribble anybody, e no go cross, e go just dey fill up space. Personally, i go like make Dalot take hin position.

Another thing wey we observe na say Romelu Lukaku na pant. The guy na elephant. E go dey play football like say e dey wear Agbada. All the balls wey dem give am, e waste am. The link up wey him and Sanchez bin dey try do na zero as e no bring any result. I don tire for him and Sanchez. Why Sanchez no dey shoot self?

The last thing wey i observe na say Jose Mourinho get hand for the defeat as hin tactics backfire. Even when e con dey chase the game, hin subs no make sense. The Martial one dey alright but Juan Mata na waste of space, as the guy no add value to the team. Out of all hin subs, na Pereira wey impact the most. I dey pray make United win their next game as the gap don dey wide between them and Liverpool.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s