Jose Mourinho don yab hin Manchester United players after the Wolves draw: “Dem no dey serious at all”

 

samJose Mourinho don yab hin Manchester United players say dem no know as dey go, say instead make dem dey ginger to play Wolves, dem dey play like say the match dey happen for their living room. The United boss talk say Wolves bin treat the game like World Cup final.

United bin take the lead through Fred in the 18th minute but Jao Moutinho don equalize for the 53rd minute as Wolves con collect one point for Old Trafford.

“My players no play shingbai, the result na rubbish,” na wetin Mourinho yarn. “Wolves deserve the point self, dem play like say na World Cup final to them, na how their players take approach the game. Na how i wan make my team dey play every game, like say na final. Dem play like say na final, we play like say the match dey happen for our Living room.”

“Na their moral wey carry them today, from the first minute, dem ball fire, dem no cool down at all. But my players bin start poorly, na how we take start both halves. See ehn, e no easy to win games when you dey play like say e no consign you.”

“I no sabi why my players dey play like say e no consign dem, na basic football, say make person take every match serious,” Mourinho still dey yarn. “You gats dey show yourself from start to finish except if you dey play for League where all the teams na dead, then you fit play as you like, because you know say you go win.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s