Players’ report card ontop Manchester United 1-1 Wolves: Na Lukaku flop pass

dnto8wkx4amsyil

As i dey write this article, i dey vex because i bin dey expect three points for this United game against Wolves but as the game end, i even dey thank God for the one points. If no be for God, the Reds for lose self, as e remain small.

Anyway, i wan sharply rate all our United players ontop how dem take perform against Wolves:

First Eleven

David de Gea: E try, e make some good saves wey deny Wolves. I no go blame am for the goal. I go rate am 7.

Antonio Valencia: I no even sabi if hin name na One Way again, as him no get direction again, na no way. E no dey contribute anything attack-wise. I go rate am 3.

Luke Shaw: E help for defence and e help for attack. E hold Costa but that Traore bin wan trouble am with hin pace. I go rate am 7.

Chris Smalling: E try for defence. I go rate am 6.

Victor Lindelof: Na liability but we go manage am in the mean time. Jimenez bin give am trouble. I go rate am 4.

Fred: E try for first half, hin goal make brain but e con quiet for second half. I go rate am 6.

Paul Pogba: Apart from the blunder wey e do, wey lead to Wolves goal, e try wella. Hin assist for Fred’s goal make brain. i go rate am 7.

Maroune Fellaini: I dey impressed with am today. E start for DM but e finish the game for attacking role. All round, e try. I go rate am 6.

Alexis Sanchez: This guy get moments of brilliance, apart from that, na pipe. I go rate am 2.

Jesse Lingard: E try off the ball. on the ball, e no do shingbai. I go rate am 2.

Romelu Lukaku: This guy na the worst player ontop the pitch today. E no do anything for United. E just dey waste space. I go rate am 0.5 for attendance.

Bench warmers:

Juan Mata: Make e kukuma retire from top level. Hin prime days don vanish. I go rate am 1.

Anthony Martial: E dey play safe these days, e no dey do take-ons or worry defenders. I go rate am 3 for some of the freekicks wey e win.

Andreas Pereira: Na the only sub wey truly impact the game. I go rate am 5.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s