Five things wey we observe as Derby County kick Manchester United out of Carabao Cup: Penarity thriller

The loss wey Manchester United see at the hands of Derby County na summary of how the Red Devils season dey go, e be like say Jose Mourinho don press hin usual auto-destruct button wey dey happen for hin third seasons at clubs.

Anyway, the match (game-time) bin end 2-2, na Juan Mata and Maroune Fellaini score for the Reds. But United bin lose 10-9 on penalties. We sha wan talk about the five things wey we observe for the game.

The first thing wey we observe na say, the whole United team dey in shambles, no matter the rotation wey Jose Mourinho don do. Some people go talk say the players no wan play for am, others go talk say na Mourinho’s patternless football. E no consign me the reason, my own na make Mourinho fix am as United be yama yama for Old Trafford this season.

Another thing wey we observe na say our full-backs (Young and Dalot) bin no too overlap against Derby County. E be like say Mourinho tell dem say make dem stay back. The only time wey dem con dey overlap, na when Derby con dey lead 2-1, as na Dalot wey do assist for Fellaini’s dying minute equalizer.

Another thing wey we observe na say Manchester United no wan attack. E dey obvious, after their goal, everybody just stay back like say e no consign them. The only person wey chances just dey fall to, na Lukaku as most of our other players no try for attack. After the goal wey Mata score, e con dey play like mumu. Anthony Martial try for wing sha but most of hin pull-outs, as na only Lukaku dey inside box, e no dey produce results.

Another thing wey we notice na say Jose Mourinho’s subs dey questionable, i fit understand why e bring Fellaini for the game but wetin Fred come find for that pitch. You wan win game and you dey remove Lingard for Fred. Iwere sense?

The last thing wey we observe na say the bad blood dey spread across the whole team. E spread sote Romero collect red card, and e con commot like say the game no consign am.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s