Na another ordinary performance wey happen as Manchester United draw 0-0 against Valencia. The match dry sha, make i no lie. As everything be for the group, Juve dey on 6pts, while United dey second with 4pts, while Valencia get one points.
We sha wan talk about the five things wey we observe for the game:
The first thing na say today match no be for people like Maroune Fellaini. As Valencia be technical team, the midfielder bin struggle with the pace of the game, na why na only half chances wey United see. But Defence-wise, him and Matic cover yansh for our defenders.
Secondly, our team bin defend well as a Unit tonight but the stand out performer na Eric Bailly. Smalling self try as e make many important clearances. Na silent night for De Gea, na only one save e make.
Thirdly, our attack no sharp. But Lukaku bin try small. E bin miss some good chances. Rashford self bin try for the game but e bin dull sometimes. Na only Sanchez flop for front.
Another thing wey we observe na say Mourinho don confuse, as e no sabi how to improve United’s game. Na the same boring pattern wey happen against Wolves, and Derby but defence Strong today.
Lastly, United on track in Champions League. If dem fit beat or draw Juventus, den dem go dey in driving seat to qualify from the group.