Players’ report card ontop Manchester United 0-0 Valencia: Bailly shine, Sanchez flop

Na another dry match wey happen when Manchester United face Valencia for UEFA Champions League. We sharply wan do player ratings:

De Gea: E get quiet night so i no fit rate am like that. 5

Valencia: For defence, hin wing leak many times for first half but e improve for second half. I rate am 3.

Eric Bailly: Na our best defender of the night, Power House. I rate am 6.

Chris Smalling: E try as e no allow make Valencia see chance. E do some nice clearances. 5.

Luke Shaw: Him na the only wing back wey dey active for the game. E try wella for attack. I go rate am 6.

Paul Pogba: Na average game wey e get but e bin play some nice through balls wey our attackers no fit bury. E lose ball sometimes, e too dey give back pass. 5.

Maroune Fellaini: So far, na hin worst performance in United jersey this season. Valencia dey too technical for am. 3

Nemanja Matic: E slow for midfield but e dey steal ball sha. I rate am 4.

Alexis Sanchez: Na the flop of the game. E just dey hand over possession. The only good thing wey e do, na say e track back. I rate am 2.

Marcus Rashford: Na our best attacker of the night as e bin dey tear shot but luck no shine on hin side. But I no know who put am on corner kick duties, all hin corners dey fly to keeper. I rate am 6.

Romelu Lukaku: E try but hin touches na error. E go dey do leg-over like say hin leg dey inside cement. I rate am 4.

Bench Warmers

I go rate Martial 3 as e no too impact the game. And e bin also lose possession as e wan try dribble.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s