Five Things wey we observe as Manchester United draw 2-2 against Chelsea

united.jpg

I dey feel very sad as Manchester United draw 2-2 against Chelsea because if i go dey honest, the Blues no even deserve one point for this game. The next game wey the Red Devils get na against Juventus. Meanwhile, we wan talk about the five things wey we observe today:

The first thing wey we observe na say Manchester United play total shambles for first half. I no even know how i go describe am, dem no play shingbai. Lukaku no dey game, Rashford dey mess balls up, Martial no dey game, Pogba dey do rubbish, while Matic dey do yama yama up and down sote e collect card from Ref for hin slow tackle on Hazard. I no know if Mourinho dey tell hin players to play like mumu for first half, i dey wonder. This their first half performance fit cost dem many points if dem no work on am.

The second thing wey we observe na say Jose Mourinho bin dey wrong tactically after hin team score the second goal. If say e get sense, the only player wey go commot na Rashford, and Alexis go enter. No be like say i wan blame Herrera or Pereira but dem no slow the game down when dem enter. We for kukuma just stay like how we dey. Who know if Martial for score Hat-trick?

Another thing wey we observe na say Manchester United bin dey solid defensively but arial balls bin worry dem (i.e Maroune Fellaini na big miss if i go dey honest). The goals wey Chelsea score today, na down to defensive error for air balls. Mourinho gats find how to adapt to life without Fellaini.

Another thing wey we observe na say Romelu Lukaku bin come alive for second half. Same as Martial and we wan praise am for hin positioning, especially for that second goal. Pogba bin also come alive for second half, e try.

Lastly, i still no believe this United team fit finish top four at this rate. If we go finish, we gats dey win back to back games. Anyhow, i wan see wetin go happen for the next game. Till then, peace out.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s