Even though the Red Devils bin concede for dying minute against Chelsea, we bin observe some good signs for United. So we believe say moral dey high for the Reds as dem dey prepare for their Juventus clash.
Kick-off: Na 8pm Tuesday.
Live commentary: Ontop our @manutdinpidgin official twitter handle.
Where e go happen: Na Old Trafford.
Referee: Na Milorad Mažić.
People wey don woundjure (when dem fit come back)
- Sami Khedira – thigh (Na two weeks)
- Leonardo Spinazzola – Crucitate ligament (day to day)
- Mario Mandzukic – Calf (i no know jare)
- Diogo Dalot – knock (unknown)
- Phil Jones – knock (unknown)
- Jesse Linagrd – groin (day to day)
- Scott McTominay – knee (day to day)
- Macros Rojo – knee (back in training)
- Alexis Sánchez – knock (a few days)
- Antonio Valencia – mouth (unknown)
How the Teams go be?
Juve formation na 4-3-3, The person wey go keep for them na Wojciech Szczesny, The guy don improve as e no be the same mumu wey keep that year for Arsenal. Their defence na João Cancelo, Leonardo Bonucci, Giorgio Cheillini and Alex Sandro.
Their midfield na Emre Can, Miralem Pjanić and Blaise Matuid, men wey fit make things happen.
For front, na Cristiano Ronaldo, Dybala and Douglas Costa.
As for United, Jose don already confirm say Sanchez dey out of the game. Fellaini fit return back to the team, if e dey fit. Martial go keep hin place as e dey on top form. Pogba go face hin former team. The only downside na say Lukaku need rest but Jose no wan give am break, i hope e no go favour Juve sha.
Wetin i dey predict?
na Man United 3-1 Juventus.